இன்னும் இதில் பகவான் அறிவற்ற பல பொருள்களையும், ஆயுதம், மரம், மலை போன்றவைகளையும் எடுத்து அவை நான் என்று சொல்லியிருக்கிறான்; அறிவில்லாத அசேதனப் பொருள்களும் ஸர்வஜ்ஞனான பகவானும் ஒன்றாக மாட்டா; இதை அத்வைதிகளும் ஒப்புக் கொண்டிருக்கின்றனர். ஆதலால் அந்த சேதனப்பொருள்கள் தனக்குச் சரீரம், தான் அவைகளுக்கு ஆத்மா என்பதே பொருள் என்பதை எல்லா மதத்தினரும் ஒப்புக் கொண்டிருக்கின்றனர். அதே போல பல சுலோகங்களில் சொல்லப்பட்டிருக்கும் அறிவுள்ள உயிரினங்களும் தனக்குச் சரீரம். அவைகளுக்கு தான் ஆத்மா, என்கிற 'சரீர - ஆத்ம - தொடர்பையே’ இங்கு சொல்லியிருக்கிறான் கண்ணன், என்பதே பொருளாகும். மற்றவர்கள் கூறுவது போல, இந்த இடத்தில் அறிவுள்ள ஜீவர்களும் பகவானும் ஒன்றே என்பது பொருளல்ல.