'அஹமாத்மா குடாகேச என்னும் பத்தாவது அத்யாய சுலோகத்தில், சேதன அசேதனமெல்லாம் தனக்குச் சரீரம், தான் அவைகளுக்கு ஆத்மாவாகயிருப்பவன் என்பதை தெளிவாகச் சொல்லியிருக்கிறான். மேலும் உடல் அசித்து; அறிவு சிறிதும் இல்லாதது; அறிவேயில்லாத அசேதனமும், ஸர்வஜ்ஞனான (எல்லாம் அறிந்த) பகவானும், ஒன்றாகயிருத்தல் இயலாது. இதை அத்வைதிகளும். ஒப்புக் கொண்டிருக்கிறார்கள். ஆதலால் விபூதி அத்யாயத்தில் “சிகராணாம் அஹம் மேரு" போன்ற வாக்கியங்களுக்கு, மேருமலை எனக்கு சரீரம்; நான் ஆத்மா என்றே அத்வைதிகளும் பொருள் கூறியுள்ளனர்.