ஸௌசம் – தூய்மை: பொதுவாக மண் ஜலம் சம்பந்தத்தால் ஏற்படும் சுத்தியே ஸௌசம் எனப்படும். ஆனால் மனத்திற்கும், வாக்குக்கும் தூய்மை உண்டு. பிறருக்குத் தீங்கு நினையாமை, பகவானையே நினைத்திருத்தல், ஆபாஸ விஷயங்களில் ஆசையின்மை அது கிடையாவிடில் த்வேஷமில்லாதிருத்தல், இவையெல்லாம் மனத்திற்குத் தூய்மை. பிறர் குற்றங்களை நம் வாயினால் சொல்லாமல், பொய் சொல்லாமல் பகவந் நாமங்களையே வாயினால் சொல்லுதல் இவையெல்லாம் வாய்க்குத் தூய்மையாகும் பகவானுக்கு அர்ப்பணம் செய்யாத எப்பொருளையும் கண்ட கண்ட இடங்களில் புசித்தல் கூடாது; அப்படி புசித்தால் அவன் பாபத் தையே புசிக்கிறான் என்கிறது சாஸ்திரம்.