அசேதனத்திற்கும் சில பெருமைகள் உண்டு. ஸத்வ ரஜஸ் தமோ குணங்கள் பிரக்ருத்திக்கே உள்ளவை. கீழ் ஏழு உலகம் மேல் ஏழு உலகம் கொண்டது ஓர் அண்டம். இப்படி பல அண்டங்களாகப் பரிணமித்தும், மூலப்ரக்ருதியில், அது மிகுந்திருக்கும். இப்படிப்பட்ட பெருமை ப்ரக்ருதிக்கு உண்டு. ஜ்ஞானத்தினால் பரவியிருக்கும் பெருமை ஜீவனுக்கு உண்டு. இவைகளுக்கெல்லாம் மேன்பட்டவன் நான், மத்பரம் என்கிறான். அவைகளுக்கெல்லாம் சுவாமி நான், இவைகளெல்லாம் எனக்கு சேஷமானவை; என் அடிமை, என் சொத்து என்கிறான் கண்ணன்.