புத்தி என்றால் நுண்ணறிவு; ஜ்ஞாம் -ஆத்ம பரமாத்ம அறிவு, அசம்மோஹம் -மனத்தெளிவு; க்ஷமை - பொறுமை; சுகம் துக்கம் - இன்ப துன்பங்கள். நாம் விரும்புவது கிடைத்தால் சுகம், இன்பம்; கிடையாவிடில் துன்பம், சத்தியம் -கேட்டதை உள்ளபடி பேசுதல்; பிறர்க்குத் துன்பமில்லாமல் பேசுதலும் சத்தியமே; தமம்-மெய், வாய், கண், மூக்கு, செவி இவ்வைம்புலன்களை அடக்குதல். சமம் - மனம், புத்தி, அஹங்காரம் இவைகளின் அமைதி. அஹிம்சை - ஓர் உயிருக்கும் இன்னா செய்யாமை. ஸமதா- விருப்பு வெறுப்புகளில் சமநிலை. துஷ்டி - என்றால் சந்துஷ்டி, திருப்தி, தபஸ் - புலனடக்குதல்; தானம் -தனக்குப் பயன்படும் பொருளை பிறர்க்கு உகந்து அளித்தல்; யச அயச - புகழ்ச்சி இகழ்ச்சி.