இப்படிப்பட்ட மரத்தின் வடிவத்தையோ அது உண்டாகும் காரணத்தையோ, அதன் ஆதாரத்தையோ, அது எப்படி அழிவை அடைகிறது என்பதையோ இவ்வுலகில் உள்ளவர்கள் அறிவதில்லை. நான் மனிதன், இன்னாரின் புதல்வன், இவை என் சொத்து, நான் இவைகளை அனுபவிக்கிறேன் என்று அறிகிறார்களே ஒழிய, இந்த சரீரம் ப்ரக்ருதியினால் உண்டானது, ஸத்வ ரஜஸ் தமஸ்ஸான முக்குணங்களினால் ஜீவன் இதில் கட்டுப்படுத்தப் பட்டிருக்கிறான். இதற்குத் காரணம் ஆத்மாவல்லாத சரீரத்தில், ஆத்ம புத்தியும், அஜ்ஞானமும்தான் என்பதை அவன் அறிகிறதில்லை. இத்தகைய அஜ்ஞானமும் விபரீதஜ்ஞானமுமே ஸம்ஸாரத்திற்கு ஆதாரம்.